კურორტი კოხტა მიტარბი საერთაშორისო სტანდარტის სასტუმროებისა და საცხოვრებელი აპარტამენტების ოთხსეზონიანი კომპლექსია. საკურორტო ზონა ამჯერად კოხტა გორას ძირში მდებარეობს, მომდევნო ეტაპზე კი, მიტარბშიც გაშენდება.

პროექტის უმაღლესი სტანდარტისა და ორივე ლოკაციის ბუნებრივი სიმდიდრის გამო  კურორტი მიმზიდველია საოჯახო დასვენების მსურველთათვის, ახალგაზრდა ოჯახებისთვის, სპორტული აქტივობის მოყვარულთათვის, ტურისტებისა და მათთვის, ვინც წელიწადის ნებისმიერ დროს ბუნების მშვენიერებას, უნიკალური და სამკურნალო ხე-მცენარეების გარემოს, ჯანსაღ ჰაერსა და ხმაურიანი ქალაქისგან განტვირთვას ეძებს.

ტერიტორია ერთიანი არქიტექტურული სტილით მოეწყობა.

კურორტი კოხტა მიტარბი ეტაპობრივად ვითარდება. პირველ ეტაპზე კოხტა გორასთან სასტუმრო და საცხოვრებელი აპარტამენტები შენდება. სასტუმროს მიმართულებით, კომპანია „ახალი მიტარბი“ „აჭარა გრუპის“ ბრენდ „რუმსთან“ თანამშრომლობს.

ახალი 100-ნომრიანი სასტუმრო კომპლექსი და პირველი ფაზის აპარტამენტები ოპერირებასა და პირველი სტუმრების მიღებას 2018 წლიდან დაიწყებენ.

საერთო ჯამში, პირველი ფაზის ფარგლებში, სასტუმრო და 500 აპარტამენტი აშენდება. ყველა ბინა სრული რემონტითა და ავეჯით ჩაბარდება.

პროექტის მეორე ფაზა – საცხოვრებელი აპარტამენტები – ასევე მშენებლობის პროცესშია. კომპლექსის თითოეული შენობა 4-სართულიანი იქნება. მათი მოწყობა ენერგორესურსების დასაზოგად, ადგილობრივი კლიმატის გათვალისწინებით, მწვანე ტექნოლოგიებით იგეგმება. ყველა შენობა  ენერგოეფექტური იქნება. გათბობისა და კონდიცირებისთვის კომპანია მზის ენერგიის გამოყენებას გეგმავს. ასევე, კედლებში დამონტაჟდება თანამედროვე დამათბუნებელი საშუალებები, რაც ოთახში სასურველი ტემპერატურის შენარჩუნებასა და კომუნალური ხარჯების შემცირებას შეუწყობს ხელს.

შენობა სრულად დაფარული იქნება "როკვულის" ბრენდის საიზოლაციო მასალით - ქვაბამბით. ასევე, შენობის ფასადი ხით იქნება მოპირკეთებული.

ტერიტორიაზე მოეწყობა დახურული ავტოსადგომები, რესტორნები, კაფეები, გართობისა და დასვენების სხვა ზონები.

ჩვენი მისია

ჩვენი მიზანია დავნერგოთ ოჯახური დასვენების და ცხოვრების, ახალი,თანამედროვე და ჯანსაღი სტილი, უნიკალური ადგილმდებარეობის მქონე კურორტზე, ოთხი სეზონის განმავლობაში.